Kringlan opnar á ný á morgun

Kringlan opnar aftur á morgun eftir erfiða daga en verslunarmiðstöðinni var lokað eftir eldsvoða sem kom upp í húsnæðinu síðastliðinn laugardag. Undanfarna daga hafa ýmsir aðilar unnið hörðum höndum að því að koma rekstri verslunarmiðstöðinni aftur í gang. 

Við opnun verða 80% verslana opnar en þær sem urðu verst úti í brunanum þurfa lengri undirbúningstíma til þess að panta inn nýjan varning og komast á skrið. Öll afþreying verður opin ásamt líkamsrækt og sjúkraþjálfun. 

Þetta kemur fram í tilkynningu frá Reitum fasteignafélagi. 

Frétt af mbl.is

Tíu verslanir orðið fyrir altjóni

Fólk í töluverðu áfalli

Í samtali við mbl.is segir Inga Rut Jónsdóttir, framkvæmdastjóri Kringlunnar, að fólk hafi verið í töluverðu áfalli síðustu daga. Mikil samstaða hafi þó ríkt meðal verslunareigenda. 

Inga segir viðbragðsaðila hafa verið frábæra og lýsir yfir þakklæti sínu í garð allra þeirra sem réttu út hjálparhönd. 

„Auðvitað er húsið ekki alveg tilbúið en allt sem hægt er að hafa tilbúið er tilbúið,“ segir Inga Rut. 

• Blogga um frétt