Gunnar Axel Davíðsson, sem fer með rannsókn á meintum brotum Quang Le, segir lögreglu taka það mjög alvarlega að hann hafi heimsótt meinta þolendur í málinu. 

„Það segir sig svolítið sjálft að þetta er ógnun að fara að hitta fólk sem eru brotaþolar í máli sem hann er sakborningur í,“ segir Gunnar Axel. 

Að sögn hans fara næstu dagar í það að átta sig á því hvers eðlis þessar heimsóknir Quang Le hafa verið. Í því skyni verður rætt við meinta þolendur. 

Frétt af mbl.is

Quang Le heimsótti meinta þolendur

Tugir verið yfirheyrðir 

Að sögn Gunnars telur lögreglan sig þegar hafa tryggt sér megnið af þeim gögnum sem þarf til þess að rannsaka málið. 

Tugir hafa verið yfirheyrðir í tengslum við það en að sögn Gunnars hafa engar yfirheyrslur farið fram síðustu fjórar til fimm vikur.

Hann segir ennfremur engar vettvangsferðir á döfinni, og eins og sakir standa séu engin áform um frekari húsleitir. 

„Svo þurfum við að skoða ný verkefni sem hann er að búa til fyrir okkur með þessum heimsóknum til brotaþola. Við skoðum þetta og tökum þetta mjög alvarlega,“ segir Gunnar Axel. 

Tengdar fréttir

Matvælalager í Sóltúni 20

Telja sig hafa góðar upplýsingar í máli Quang Le

• Kastali Quang Le kominn á sölu
• Alþjóðleg keðja kaupir rekstur Wok On
• Í hart við skiptastjóra
• Wokon mathöll gjaldþrota

» Fleiri tengdar fréttir

• Blogga um frétt