Hljómar eins og „Úlfur! Úlfur!“
Setja bókamerki
Tengdar fréttir
Hvalveiðar
Fjármálaráðherra segir umhugsunarefni hvernig þingmenn stjórnarandstöðunnar umgangist alvarlega hluti á borð við vantraust á ráðherra.
Tillaga um vantraust á hendur Bjarkeyju Olsen Gunnarsdóttur matvælaráðherra var felld á Alþingi í dag.
„Þetta er alla vegana orðið mjög mikið umhugsunarefni, hvernig menn umgangast jafn alvarlega hluti eins og vantraust,“ segir Sigurður Ingi Jóhannsson fjármálaráðherra í samtali við blaðamann mbl.is að lokinni atkvæðagreiðslu.
Fjórða vantrauststillagan
Þetta er fjórða vantrauststillagan sem lögð hefur verið fram á vorþingi, og sú þriðja á hendur matvælaráðherra.
„Og það eru til kerfi hér í þinginu til að rannsaka hluti og þegar þeir komast að því að þeir séu ámælisverðir eða lögbrot eða eitthvað slíkt, þá ætti frekar að vera grunnur fyrir að leggja fram vantrauststillögu en ekki bara si svona.“
Miðflokksmenn lögðu fram tillöguna að þessu sinni og stjórnarandstaðan eins og hún leggur sig studdi við tillöguna.
Hljómar eins og „Úlfur! Úlfur!“
„Þetta hljómar eins og „Úlfur! Úlfur!“,“ segir ráðherra aukinheldur og á hann þar sennilega við um þjóðsöguna frekar en hipp-hopp tvíeykið.
Jón Gunnarsson, stjórnarþingmaður úr röðum sjálfstæðismanna, sat hjá þegar þingheimur greiddi atkvæði.
Það er einn stjórnarliði sem situr hjá, styður hann þar með ekki ríkisstjórnina?
„Hann verður að svara því,“ svarar Sigurður Ingi.
Tengdar fréttir
Hvalveiðar
Stormur á Þorláksmessu en víðast hvar stefnir í hvít jól
Barn lést í árásinni
Alvarleg netárás á Wise
Forstjóri bendir á ábyrgð birgja vegna verðhækkana
Samfylking og Viðreisn gáfu loforð
„Mér finnst gamla Samfylkingin komin aftur“
