Borgarstjóraskiptin kostuðu 25 milljónir
Setja bókamerki
Auka þurfti við fjárhagsáætlun Reykjavíkurborgar um 25 milljónir króna vegna borgarstjóraskipta í upphafi ársins. Það var gert í viðauka við fjárhagsáætlun um breytingar á „launa- og starfsmannakostnaði“, sem lagður var fram í borgarstjórn og samþykktur á þriðjudag.
Sjálfstæðismenn í borgarstjórn óskuðu skýringa, en Þorsteinn Gunnarsson borgarritari segir borgastjóraskiptin ástæðuna eða „uppgjör í samræmi við ráðningarbréf fyrrverandi borgarstjóra og ráðningarsamning fv. aðstoðarmanns borgarstjóra“.
Líkt og greint var frá í Morgunblaðinu í vor var aldrei gerður ráðningarsamningur við Dag í stóli borgarstjóra, heldur svokallað ráðningarbréf frá fyrra kjörtímabili látið duga þó lög kveði á um annað.
Hildur Björnsdóttir oddviti sjálfstæðismanna segir þetta koma sér í opna skjöldu.
„Í upphafi árs fullyrti meirihlutinn að kostnaðurinn við borgarstjóraskiptin myndi eingöngu nema mismuninum á launum Dags sem formanns borgarráðs og launum hans sem borgarstjóra í þessa sex mánuði, sem hann átti rétt á biðlaunum. Þessar tölur stemma ekki við þær fullyrðingar.“
Hildur kveðst hafa óskað nánari upplýsinga um málið.
„Ef í ljós kemur að Dagur hefur fengið full borgarstjóralaun greidd, ofan á laun formanns borgarráðs, lít ég það mjög alvarlegum augum. Ekki síst þar sem málið kom aldrei til kynningar í borgarráði og var laumað gegnum borgarstjórn í gagnapakka sem ekki var sérstaklega til umræðu né kynningar.“
Líklega komin á seinni hluta hrinunnar í Svartsengi
Mjög alvarlegt ef Njarðvíkuræð gefur sig
Hraunið við bílastæði Bláa lónsins
„Má segja að þetta gos hafi þjófstartað“
Litlar líkur á að hraunið nái til mannvirkja
Yfir 300 stæði fóru undir hraun
Hótar Bretum og Bandaríkjamönnum
Myndir: Grindavíkurvegur aftur undir hraun