Tók heilshugar undir leiðara Morgunblaðsins

Hanna Katrín Friðriksson, þingmaður Viðreisnar, segir það ekki hafa komið á óvart hvernig atkvæði féllu í vantrauststillögu Miðflokksins gegn Bjarkeyju Olsen Gunnarsdóttur og vísaði til leiðara Morgunblaðsins sem hún sagðist taka heilshugar undir.

Þá sagði Þorbjörg Sigríður Gunnlaugsdóttir, þingmaður Viðreisnar, að henni sýndist sem að stjórnarflokkarnir gætu ekki verið í sama húsi. 

Frétt af mbl.is

Jón segist ekki skulda Bjarkeyju

Vond hefð að kjósa alltaf gegn vantrausti

Hanna Katrín sagði það vonda hefð að stjórnarflokkar kysu alltaf gegn vantrausti og vísaði til leiðara Morgunblaðsins sem segir: 

„Ábyrgð ráðherra gagnvart þinginu á ekki að hanga á þolgæði annarra stjórnarflokka, hagsmunum um að halda völdum eða ótta við kosningar.

Það á ekki sérstaklega við þetta mál eða þessa ríkistjórn, heldur er þetta vandi sem Alþingi verður að leysa eigi að standa undir nafni og stöðu sinni í stjórnskipan landsins og, herra forseti, ég tek heils hugar undir þessi orð í leiðara Morgunblaðsins þátttakendur málssókn.“

Eftir að hafa vitnað í þessi orð kvaðst hún taka heils hugar undir það sem fram kom í leiðaranum.

Frétt af mbl.is

Vantraust fellt: Jón sat hjá

Sýndist stjórnarflokkar ekki geta verið í sama húsi

Þorbjörg Sigríður gerði einnig fellda vantrauststillögu að umtalsefni í ræðu sinni og sagði að henni sýndist sem að ríkisstjórnarflokkarnir gætu ekki lengur verið í sama húsi og þyrftu að ljúka þingi sem fyrst. 

Hún velti fyrir sér gremju þingmanna VG yfir málinu og taldi framferði þingflokksins bera vott af hræsni og sagði: 

„En fólk sem man eftir VG í stjórnarandstöðu veit að enginn flokkur hefur gengið harðar fram í umræðum um vantraust við þessar aðstæður en einmitt VG.“

Þorbjörg Sigríður sagði að VG sem stjórnarandstöðuflokkur hefði gengið harðar fram í umræðum um vantraust. mbl.is/Eggert Jóhannesson

• Blogga um frétt