„Það er alltaf eftirsjá að góðum félögum“

Bjarkey Olsen Gunnarsdóttir matvælaráðherra segir mikla eftirsjá að Lilju Rafneyju Magnúsdóttur, sem sagði sig úr Vinstri grænum eftir að frumvarp um kvótasetningu grásleppu var samþykkt á þinginu.

Þetta sagði Bjarkey í samtali við mbl.is að fundi ríkistjórnarinnar í morgun loknum. 

Frétt af mbl.is

Lilja Rafney yfirgefur VG vegna svika flokksins

Eftirsjá að sterkum þingmanni

Lilja Rafney, varaþingmaður Vinstri grænna, sagði sig úr flokknum eftir að frumvarpið gekk í gegn og sagði það svik við sjávarútvegsstefnu flokksins. 

„Það er mjög mikil eftirsjá af Lilju Rafney. Auðvitað sterkur þingmaður og hefur verið í hreyfingunni frá upphafi. Mikil baráttukona, þannig það er alltaf eftirsjá að góðum félögum.“

• Blogga um frétt