Pétur Jökull Jónsson mun sæta gæsluvarðhaldi til 15. júlí vegna stóra-kókaíns­máls­ins svo­kallaða þrátt fyrir að Héraðsdómur Reykjavíkur hafi í síðustu viku vísað máli héraðssaksóknara gegn Pétri Jökli frá dómi. 

Þetta kemur fram í úrskurði Landsréttar, en Landsréttur úrskurðaði um gæsluvarðhaldið degi eftir að héraðsdómur vísaði ákæru á hendur honum frá dómi vegna óskýrleika í ákæru. Héraðssaksóknari kærði niðurstöðu héraðsdóms til Landsréttar þegar í stað. 

Frétt af mbl.is

Máli gegn Pétri Jökli vísað frá dómi

Málið bíður úrlausnar Landsréttar

Héraðsdómur Reykjavíkur úrskurðaði Pétur Jökull í gæsluvarðhald til 15. júlí þann 18. júní síðastliðin, eða tveimur dögum áður en dómurinn vísaði málinu frá dómi. Pétur Jökull skaut gæsluvarðhalds úrskurðinum til Landsréttar sem staðfesti úrskurðinn á föstudaginn í síðustu viku, eða degi eftir að héraðsdómur hafði vísað málinu frá dómi. 

Úrskurðurinn var birtur í gær og byggir niðurstaða hans á því að héraðssaksóknari hafi skotið ákvörðun héraðsdóms, um að vísa málinu frá dómi, til Landsréttar þar sem málið bíður úrlausnar. 

Pétur Jökull situr í gæsluvarðhaldi í tengslum við stóra kókaínmálið svokallaða þar sem þrír aðrir hafa þegar verið dæmd­ir fyr­ir sinn þátt. Hann var eft­ir­lýst­ur hjá In­terpol í tengsl­um við málið en var í fe­brú­ar hand­tek­inn við komu til Íslands.

Frétt af mbl.is

Ákærður fyrir tilraun til stórfellds fíkniefnalagabrots

Tengdar fréttir

Stóra kókaínmálið

Héraðsdómi gert að taka málið fyrir

• Máli gegn Pétri Jökli vísað frá dómi
• Ákærður fyrir tilraun til stórfellds fíkniefnalagabrots
• Pétur Jökull ákærður í stóra kókaínmálinu
• Pétur Jökull handtekinn við komu til Íslands

» Fleiri tengdar fréttir

• Blogga um frétt