Bjarni Benediktsson, forsætisráðherra og fyrrverandi fjármálaráðherra, segir tíðindin af verðbólgumælingunni í morgun vera ánægjuleg, en gæta verði hófsemi og stillingu.
Verðbólga síðustu mánuði mælist nú 5,8% og lækkaði úr 6,2% í síðasta mánuði. Vísitala neysluverðs án húsnæðis mælist nú 4%. Hefur verðbólgan ekki verið svona lág síðan í janúar 2022.
Vísitala neysluverðs hækkaði um 0,48% milli mánaða en vísitalan án húsnæðis hækkar um 0,41%.
Þrátt fyrir hækkun vísitölunnar fer verðbólgan niður, en verðbólgan mælir hækkun vísitölunnar síðustu 12 mánuði.
Telur þú að það sé kominn tími til þess að Seðlabankinn fari að lækka stýrivexti?
„Þetta er einfaldlega allt í rétta átt og þegar hlutir fara að þróast í rétta átt þá getum við farið að hafa væntingar um lækkun vaxta. En við skulum sjá, við megum ekki fara fram úr okkur.
Oft gerast góðir hlutir hægt en það er gríðarlega mikilvægt að sjá hlutina þróast í rétta átt núna,“ segir Bjarni.