Ekki er vitað af hverju ekki allar brunabjöllur Höfðatorgs fóru í gang þegar eldur kviknaði í húsinu fyrr í vikunni. Jón Viðar Matthíasson slökkviliðsstjóri slökkviliðsins á höfuðborgarsvæðinu segir að það sé eitthvað sem þurfi að rannsaka og gefa sér tíma í að skoða. 

Frétt af mbl.is

Eldsvoði á Höfðatorgi: „Þetta eru miklar skemmdir“

Fólk þarf að hlýða brunaviðvörunarkerfinu  

„Stóri lærdómurinn er að fólk þarf að hlýða brunaviðvörunarkerfinu þegar það fer í gang, þó svo það komi fyrir að það séu falsboð, þá þarf að vinna í því að fækka þeim tilfellum, þannig fólk hætti ekki að óhlýðnast kerfinu,“ segir Jón Viðar. 

Allt of algengt er að falsboð berist frá brunaviðvörunarkerfum sem gerir það að verkum að fólk hættir að meta alvarleika þeirra.

Frétt af mbl.is

Engar brunabjöllur hringdu

Rannsaka þurfi samtengingu á milli brunaviðvörunarkerfa

Jón Viðar telur þetta snúast um hvernig samtengingin á milli kerfa hússins sé háttað og sé þetta eitthvað sem þurfi að skoða betur.

Eldvarnareftirlit slökkviliðsins muni því fara í að skoða brunaviðvörunarkerfið í nærliggjandi húsum og komast að því hvað gerði það að verkum að ekki allar brunabjöllur hafi hringt.

Spurður hvort eitthvað nýtt sé að frétta af rannsókn málsins segist Jón Viðar ekki hafa fengið neitt nýtt á sitt borð.

Tengdar fréttir

Eldsvoði á Höfðatorgi

Ekkert sem bendir til íkveikju

• Aðstæður krefjandi vegna mikils reyks
• Segja eldsupptökin ekki á Intro
• Kviknaði líklega í lyftustokki
• Engar brunabjöllur hringdu

» Fleiri tengdar fréttir

• Blogga um frétt