Fjölda glæsilegra bíla, af ýmsum tegundum, var lagt við Hörpu í gærkvöld. Þar voru á ferðinni félagar í Bílaklúbbnum Krúser. að loknum vikulegum fimmtudagsbíltúr.
Flotinn fangaði athygli vegfaranda við Hörpu og ferðamanna þar á meðal. Eigendur bílanna báru saman bækur sínar og sögðu stoltir frá glæsikerrunum. Aldur bílanna var allskonar, allt frá gömlum Ford-pallbíl til nýlegra sportbíla. Fjölmargar tegundir mátti sjá við tónlistarhúsið, eins og Corvettur, Mustang, Buick, Chevrolet, Chrysler, Cadillac og Volvo.
Klúbburinn hefur verið starfandi síðan á vordögum 2006. Samkomu eru haldnar öll fimmtudagskvöld í húsakynnum Krúser að Höfðabakka 9. Þegar vel viðrar mæta félagsmenn á bílum sínum og taka rúnt um bæinn á eftir.
Helstu markmið klúbbsins eru að „viðhalda klassískum bílum“ og stuðla að varðveislu þeirra, eins og segir á vef klúbbsins, og standa vörð um hagsmuni bíleigenda, efla kynni þeirra á milli og stuðla að góðakstri.