Óveðrið sem nú er á Austurlandi hefur gengið nokkuð vandræðalaust yfir hingað til ef marka má fjölda tilkynninga til lögreglu. Engin veðurtengd tilkynning hefur borist það sem af er degi.
Síðan í gærkvöldi hefur ríkt gul viðvörun á Austurlandi vegna hvassviðris en samkvæmt því sem fram kemur á vef Veðurstofunnar varir hún þangað til í fyrramálið.
Fólki á svæðinu er ráðlagt að haga að lausamunum og aðstæður sagðar geta verið varasamar fyrir aftanívagna og ökutæki sem taka á sig mikinn vind.
Það sem af er virðist óveðrið ekki hafa ollið miklum vandræðum en í samtali við mbl.is staðfesti yfirlögregluþjónn á svæðinu að engar tilkynningar hafi borist lögreglu vegna vandræða eða tjóns að sökum óveðursins.