Samkvæmt tölum um búfé á landinu er fjöldi nautgripa og svína óbreyttur á milli áranna 2022 og 2023. Á sama tíma hefur sauðfé fækkað um 3% og fullorðnum ám um 4%.
Þetta kemur fram í tilkynningu frá Hagstofunni.
Í tilkynningunni kemur enn fremur fram að hrossum fækki um 4% en tölur um fjölda þeirra séu þó óáreiðanlegar. Varphænsnum fjölgi um 2% á milli ára sé miðað við tölur frá útungunarstöðvum.