Haraldur Örn Ólafsson er eini Íslendingurinn sem hefur gengið á norðurpólinn frá föstu landi. Hann lagði upp í þennan krefjandi leiðangur í mars árið 2000, ásamt Ingþóri Bjarnasyni félaga sínum. Ingþór varð frá að hverfa eftir að hann kól á fingrum.

Síðasti spölurinn sem Haraldur Örn gekk til að ná pólnum og þar með nítugustu gráðu var mikið átak. Hafísinn var byrjaður að brotna upp enda farið að vora jafnvel á nyrsta hluta jarðkringlunnar.

Af þessu leiddi að ísinn rak sem nam kílómetra á klukkustund gegn göngustefnu Haraldar. Hann þurfti því að setja undir sig hausinn og með maraþonátaki tókst honum að ná pólnum með sleitulausri göngu í einn og hálfan sólarhring.

Frétt af mbl.is

Leggja járnstíg í Esjunni í sumar

Norðurpóllinn, 12. maí árið 2000. Haraldur Örn Ólafsson gengur til móts við Twin Otter-flugvélina þegar hún rennir upp að tjaldi hans og sleða þeirra erinda að sækja hann á norðurpólinn eftir frækilega tveggja mánaða göngu. mbl.is/Einar Falur Ingólfsson

Lífshætta við hvert fótmál

Þegar GPS-mælirinn sýndi 89 gráður, 59 mínútur og aukastafi var hann á pólnum. Þá var hringt í þáverandi forsætisráðherra Davíð Oddsson sem í beinni sjónvarpsútsendingu tók við símtalinu og óskaði pólfaranum til hamingju.

Haraldur Örn er gestur Dagmála í dag og ræðir þar þá einstæðu leiðangra sem hann hefur lagt upp í og klárað. Báðir pólarnir og hæstu tindar allra heimsálfa á einu ári.

Í viðtalsbrotinu hér að ofan lýsir Haraldur Örn síðasta leggnum og átakinu við að ná pólnum við þessar erfiðu aðstæður þar sem lífshætta leyndist við hvert fótmál.

Þátturinn í heild sinni er aðgengilegur fyrir áskrifendur Morgunblaðsins.

62 dagar á ísnum

Tengdar fréttir

Dagmál

Arnar um Aron: „Þurfum ekki að tala undir rós með það“

• Arnar: „Hann er bara lygari“
• „Er ég með púls?“
• „Aðeins stærri vettvangur til þess að gera sig að fífli“
• „Rússar skilja bara hnefann og valdið“

» Fleiri tengdar fréttir

• Blogga um frétt