Þyrla Landhelgisgæslunnar (LHG) var á áttunda tímanum kölluð út til að sækja göngugarp sem slasaðist á fæti nálægt Landmannalaugum.
Þetta staðfestir Garðar Már Garðarsson, aðalvarðstjóri hjá lögreglunni á Suðurlandi, í samtali við mbl.is.
Slysið átti sér stað fyrr í kvöld á Bláhnjúki en ekki er ljóst hvort að maðurinn sé fótbrotinn eða ekki. Landverðir treystu sér ekki til þess að bera hann og því var ákveðið að fá aðstoð LHG.