Myndataka í Vesturbæjarlaug til ákærusviðs
Setja bókamerki
Mál tveggja manna sem voru handteknir í Vesturbæjarlaug í vetur eftir að þeir voru að mynda aðra karlmenn er farið til afgreiðslu hjá ákærusviði lögreglunnar.
Að sögn Ævars Pálma Pálmasonar, aðstoðaryfirlögregluþjóns hjá lögreglunni á höfuðborgarsvæðinu, kom málið upp um miðjan nóvember og lauk rannsókn lögreglu um mánuði síðar.
Báðir á fertugsaldri
Mennirnir sem voru handteknir eru báðir á fertugsaldri. Þeir eru búsettir hérlendis en eru ekki með íslenskt ríkisfang. Þeir eru sakaðir um að hafa tekið bæði ljósmyndir og myndskeið af öðrum karlmönnum í karlaklefa laugarinnar.
Ævar Pálmi segir að ákærusviðið muni taka ákvörðun um hvort mennirnir verði ákærðir eður ei. Spurður út í mögulega refsingu við athæfinu segir hann málið flokkast undir stafrænt kynferðisbrot þar sem refsiramminn er allt að fjögurra ára fangelsi.
„Það koma af og til upp mál tengd sundlaugum þar sem símar eru á lofti og fólk grunar einhvern annan um að vera að taka myndir eða myndbönd,“ segir Ævar Pálmi.
Í apríl síðastliðnum var birtur dómur frá Héraðsdómi Reykjavíkur þar sem maður var dæmdur vegna myndatöku í Nauthólsvík í júlí árið 2022. Hann hlaut 30 daga skilorðsbundinn dóm og var honum gert að greiða brotaþola 400 þúsund krónur í miskabætur auk vaxta.
Segir Hjálmar hafa misnotað aðstöðu sína
„Lítur mjög illa út gagnvart þessum hópi fólks“
Þrjú lömb urðu dýrbít að bráð og líklega fleiri
Viðurkennir að fjarað geti undan framboðinu
Lokahnykkur á brotnum hafís í 36 tíma
Auglýsingarnar áhyggjuefni