Tilnefna næsta umboðsmann Alþingis í haust

Forsætisnefnd Alþingis mun tilnefna mann til að gegna embætti umboðsmanns Alþingis fyrir lok septembermánaðar.

Frá þessu er greint á vef Alþingis.

Alþingi kýs umboðsmann til fjögurra ára í senn en hann er trúnaðarmaður sem starfar á vegum þingsins. Honum berast kvörtunarmál frá borgurum og getur hafið mál að eigin frumkvæði en honum er ætlað að tryggja rétt borgaranna.

Frétt af mbl.is

Skúli skipaður dómari við Hæstarétt

Hægt að koma með ábendingu um umsækjanda

Á vef Alþingis segir að menn geti sótt um embættið en að jafnframt megi koma með ábendingar um einstakling í embættið. Umboðsmaður Alþingis skal uppfylla skilyrði laga til að mega gegna embætti hæstaréttardómara og má ekki vera alþingismaður.

Fráfarandi umboðsmaður Alþingis er Skúli Magnússon sem hlaut nýverið skipun í embætti dómara við Hæstarétt Íslands.

Tekur hann við embætti 1. október en Ingveldur Einarsdóttir varaforseti Hæstaréttar kveður dóminn í ár.

• Blogga um frétt