Ekki að sjá að dregið hafi úr kvikuinnstreymi
Setja bókamerki
Ekki er að sjá að dregið hafi úr kvikuinnstreymi inn í Svartsengi samkvæmt nýjustu upplýsingum Veðurstofu Íslands.
Aflögunarmælingar sýna að landris á svæðinu heldur áfram og er það túlkað sem áframhaldandi kvikustreymi.
Enn eru líkur á öðru kvikuhlaupi eða eldgosi á næstu vikum og mánuðum. Þetta kemur fram í tilkynningu á vef Veðurstofunnar í dag.
Frá því að gosinu lauk 22. júní hefur skjálftavirkni við Svartsengi verið mjög lítil og fáir smáskjálftar mælst á hverjum degi.
Kvikuinnstreymi síðan í janúar stöðugt
Líkan byggt á aflögunargögnum sýnir að innstreymi kviku á dýpi hafi að jafnaði verið á bilinu 4-6 m3/s þegar engin gos eru.
Líkanið endurspeglar því ekki heildarmagn kviku inn í kerfið frá nóvember 2023 heldur einungis það magn kviku sem streymir inn í kerfið þegar kerfið er lokað.
Heildarmagn gosefna ásamt rúmmálsbreytingum í Svartsengi bendir til þess að kvikuinnstreymi síðan um miðjan janúar sé nokkuð stöðugt
Telur sér ekki heimilt að úthluta Helga verkefni
Bjarni afhenti Kristrúnu lyklana
Skattamál verði líklega „þeirra mesta klemma“
„Mér finnst gamla Samfylkingin komin aftur“
„Aðstæður í stjórnmálum geta breyst á einni nóttu“
Beint: Ný ríkisstjórn tekin við völdum
Segir að verið sé að svindla á Bandaríkjunum