Héraðssaksóknari hefur fellt niður mál í tengslum við banaslys á Kjalarnesi sumarið 2020. Hjón á bifhjóli fórust í slysinu sem átti sér stað á nýlögðu og hálu malbiki sem stóðst ekki kröfur Vegagerðarinnar. 

Þetta kemur fram í tilkynningu frá embætti héraðssaksóknara um niðurfellingu málsins, sem mbl.is hefur undir höndum. Auk hjónanna missti ökumaður bifhjóls, sem ekið var næst á eftir þeim, stjórn á bifhjóli sínu með þeim afleiðingum að hann hafnaði utan vegar og slasaðist nokkuð alvarlega. 

Þá slasaðist tvennt, ökumenn tveggja annarra bifhjóla, þegar þau þurftu að setja fæturna niður í götuna, sem kostaði mikil átök fyrir fót- og handleggi, í því skyni að ná jafnvægi og stöðva bifhjól sem þau óku en bæði náðu þau að nema staðar án þess að falla í götuna. 

Frétt af mbl.is

Bar að stöðva umferð vegna ófullnægjandi malbiks

Málið ekki líklegt til sakfellis 

Við rannsókn málsins fengu starfsmaður verkkaupa, verkstjóri slitlagningar, eftirlitsmaður og deildarstjóri framleiðsludeildar hjá framleiðanda malbiksins réttarstöðu sakbornings. 

Niðurstaða héraðssaksóknara byggir á rannsóknargögnum málsins og lögum um meðferð sakamála og segir í tilkynningu um niðurstöðuna að ekki hafi verið talið að þau gögn sem komu fram hafi verið nægileg eða líkleg til sakfellis. Því hafi málið verið fellt niður. 

Tengdar fréttir

Banaslys á Kjalarnesi

Á þriðja hundrað mótmæltu ábyrgðarleysi

• Kærir niðurfellingu máls til ríkissaksóknara
• Bar að stöðva umferð vegna ófullnægjandi malbiks
• Vegagerðin eykur kröfur á verktaka
• Missti sjálfur foreldra sína í bílslysi

» Fleiri tengdar fréttir

• Blogga um frétt