Hörn Hrafnsdóttir, verkfræðingur hjá Verkís, segir að hækkun varnargarðsins, þar sem hraun flæddi yfir í síðasta gosi, gangi vel.

Áætlað er að verkinu ljúki fyrir verslunarmannahelgi. Varnargarðurinn sem um ræðir ber heitið L1 og gengur út frá Sýlingarfelli en hraun náði að flæða yfir hann undir lok síðasta eldgoss og því var ráðist í að hækka hann.

Varnargarðurinn er mishár en almennt er verið að hækka hann um 4-9,5 metra á mismunandi stöðum. Það þýðir að hæð varnargarðsins verður á bilinu 10-21 metri.

„Þetta gengur mjög vel og þessi hækkun ætti að vera búin fyrir verslunarmannahelgi,“ segir Hörn.

Það þarf fjölda starfsmanna til þess að sinna uppbyggingunni og nefnir hún að í gærmorgun hafi á bilinu 30-35 verið að störfum í Svartsengi við hækkunina. Enn er eftir að keyra líkön til
þess að sjá hvort hraun hefði náð

Svartsengisvirkjun án varnargarðanna en hún segir ljóst að í síðasta gosi hafi að minnsta kosti ekki mikið vantað upp á.

Tengdar fréttir

Eldvirkni á Reykjanesskaga

Uppfært hættumat: Líkur á eldgosi á næstu vikum

• Erfiðara að vernda Bláa lónið í nýju gosi
• Eldgos í sumar sennilega það síðasta
• „Eins og staðan er núna þá er þetta ekki að hætta“
• Tekur tilkynningu Veðurstofunnar með fyrirvara

» Fleiri tengdar fréttir