Fjöldi fólks með erlent ríkisfang sem grunað var um kynferðisbrot nær tvöfaldaðist á milli áranna 2020 og 2022, úr 59 í 114.

Kemur þetta fram í svari dómsmálaráðherra við fyrirspurn Ingibjargar Ísaksen, þingflokksformanns Framsóknar.

Í svarinu kemur fram að árið 2020 hafi fjöldi kynferðisafbrotamála verið 520 og brotin 398 talsins. Brotunum hafði fjölgað í 622 árið 2022 og málunum fjölgað í 507.

Fjöldi karla með erlent ríkisfang sem grunaðir voru um kynferðisbrot nam 52 árið 2020, 86 árið 2021, og síðan 100 árið 2022. Fjöldi kvenna var talsvert lægri.

312 íslenskir karlar grunaðir um kynferðisbrot árið 2022  

Fjöldi einstaklinga með íslenskt ríkisfang sem grunaðir voru um kynferðisbrot breyttist aftur á móti ekki eins mikið á árunum 2020–2022, en hefur þó aukist.

Árið 2020 voru 276 íslenskir karlar og 17 íslenskar konur grunuð um kynferðisbrot.

Árið 2021 voru 303 íslenskir karlar og 21 íslensk kona grunuð um kynferðisbrot.

Árið 2022 voru 312 íslenskir karlar og 18 íslenskar konur grunuð um kynferðis brot.

Tengdar fréttir

Kynferðisbrot

Samþykkir beiðni um áfrýjun í kynferðisbrotamáli

• Sjö ára dómur yfir Theodóri staðfestur
• Streymi: Kynferðisofbeldi gegn börnum með notkun gervigreindar
• Sendi ítrekað typpamyndir á 15 ára stúlku
• Braut ítrekað á barnungri náfrænku sinni

» Fleiri tengdar fréttir

• Blogga um frétt