Kjarasamningur Eflingar stéttarfélags og Reykjavíkurborgar var samþykktur í dag. Félagsmenn Eflingar samþykktu samninginn með yfirgnæfandi meirihluta.

Atkvæðagreiðslu um samninginn lauk klukkan 10 í morgun og samþykktu 88 prósent þeirra sem tóku þátt samninginn, að því er segir í tilkynningu frá stéttarfélaginu.

Aðeins 9 prósent voru andvíg samningnum og 3 prósent tóku ekki afstöðu í kosningunni. Kjörsókn var 19 prósent.

Gildir afturvirkt frá apríl á þessu ári

Samningaviðræður samninganefnda Eflingar og Reykjavíkurborgar höfðu staðið yfir frá því um miðjan apríl þegar kjarasamningur var undirritaður 20. júní. Hefur hann nú, sem fyrr segir, verið samþykktur í atkvæðagreiðslu.

Frétt af mbl.is

Efling og Reykjavíkurborg hafa undirritað samning

Samningurinn gildir afturvirkt frá 1. apríl í ár og til 31. mars 2028. Eru félagsmenn Eflingar sem starfa hjá borginni hvattir til að kynna sér samninginn og fylgjast með að allar greiðslur séu réttar við næstu útgreiðslu launa.

Tengdar fréttir

Kjaraviðræður

Ellefu mál á borði sáttasemjara

• Vísa kjaradeilu tollvarða til gerðardóms
• Lögreglumenn fella kjarasamning
• „Býst við því að þetta endi í gerðardómi“
• Af hverju að „djöfla þessu í gegn“ núna

» Fleiri tengdar fréttir

• Blogga um frétt