Sveinn Kristján Rúnarsson, yfirlögregluþjónn á Suðurlandi, segir að rannsókn umferðarslyssins sem varð nálægt Gígjukvísl á Skeiðarársandi í gær standi enn yfir.
Ökumaður bifhjóls féll af því og hafnaði utan vegar. Hann var fluttur alvarlega slasaður með þyrlu Landhelgisgæslunnar.
Sveinn segir í samtali við mbl.is að tildrög slyssins séu ekki alveg ljós. Hann segir að aðstæður á vettvangi þar sem slysið varð hafi verið nokkuð þokkalegar.
Hann kveðst ekki hafa fengið nýjar upplýsingar í morgun um líðan bifhjólamannsins en hann er mikið slasaður að sögn Sveins.