Eldur kom upp á veitingastað í Ármúla

Slökkviliðinu barst tilkynning um eld sem kom upp á veitingastað í Ármúla um tíuleytið í kvöld. 

Þetta staðfestir varðstjóri slökkviliðsins í samtali við mbl.is.

Það tók stuttan tíma að slökkva eldinn að hans sögn og býst hann við því að reykræstingu ljúki á næstunni. Aðspurður gat hann ekki sagt til um tjón á veitingastaðnum en að engir gestir hafi verið þegar slökkviliðið bar að garði.

• Blogga um frétt