Sævar Geir Sigurjónsson er einn þeirra sem hafa nýlega fengið símtal frá íslensku símanúmeri þar sem svikahrappur segist vera frá Microsoft og tilkynnir að búið sé að brjótast inn í tölvu viðkomandi. 

Eins og mbl.is greindi frá fyrr í dag hafa fjar­skipta­fyr­ir­tæk­inu Sím­an­um borist til­kynn­ing­ar um svika­hrappa sem þykj­ast hringja úr ís­lensk­um síma­núm­er­um, og oft láta þeir sem svo að þeir hringi frá Microsoft.

Frétt af mbl.is

Gætu séð allt sem er í tölvunni

Microsoft hringi ekki í kúnna sína

Í samtali við mbl.is lýsir Sævar atburðarásinni.

Hann segir að einn morguninn fyrir stuttu síðan hafi verið hringt í sig um áttaleytið og hann beðinn um að tala helst ensku. 

Næst sagðist konan á línunni vera að hringja frá öryggismiðstöð Microsoft og að hún hefði rökstuddan grun um að búið væri að brjótast inn í tölvu hans og að allir reikningar hans væru í uppnámi.

Sævar segir það hafi tekið sig um 15 sekúndur að átta sig á svindlinu, enda hringi Microsoft aldrei í viðskiptavini sína. Hann hafi í kjölfarið sagt konunni á línunni frá uppgötvun sinni og skellt á. 

Algengt að svikahrappar hafi samband

Þetta er ekki í fyrsta sinn sem Sævar lendir í því að reynt sé að svindla á honum. Hann segir sig og sína nánustu oft hafa lent í því að fá tölvupósta með hlekkjum eða símtöl frá erlendum símanúmerum. 

Þó er þetta í fyrsta sinn sem Sævar fær svikula símhringingu frá íslensku símanúmeri.

Hann kveðst ekki viss um hvort konan sem hringdi í hann hafi þóst vera með íslenskt símanúmer eða hvort hún sé í rauninni búsett á Íslandi.

„Hver segir að þessi aðili sé ekki kominn til Íslands?“

Tengdar fréttir

Netsvik

Fórnarlömb netsvika fá ekki endurgreiðslu

• Erlend netárás gerð á Bland.is
• Falskir rafmyntasalar herja á landann
• Best að skella á og hringja strax í bankann
• Gætu séð allt sem er í tölvunni

» Fleiri tengdar fréttir

• 1 blogg um fréttina

Bloggað um fréttina

• Ingólfur Sigurðsson: Vandamál er tilkynnt þegar búa á til vandamál