Líklegt að slæmur vegur hafi valdið bifhjólaslysi

Lögreglan telur að líklegast hafi slæmur vegur valdið bifhjólaslysinu sem varð á Vestfjörðum í gær. 

Á þessu stigi málsins telur lögreglan að um óhapp hafi verið að ræða þar sem ökumaður hafi dottið af hjóli sínu. Ekki eru taldar líkur á að neitt refsivert hafi átt sér stað.

Þessu svarar Helgi Jensson, lögreglustjóri á Vestfjörðum, við fyrirspurn mbl.is.

Frétt af mbl.is

Þyrlan kölluð til vegna bifhjólaslyss

Verið er að vinna í skýrslu málsins og ekki mikið meira hægt að segja um rannsóknina að svo stöddu.

Spurður út í líðan ökumannsins segist Helgi ekki hafa nákvæmar upplýsingar um hana að svo stöddu, en telur manninn þó ekki vera í lífshættu.

• Blogga um frétt