Matvælastofnun mun fagna því þegar síðasti niðurskurðurinn vegna sauðfjárriðu verður framkvæmdur, að sögn forstjóra stofnunarinnar.

Bjarkey Olsen Gunnarsdóttir matvælaráðherra, Hrönn Ólína Jörundsdóttir forstjóri Matvælastofnunar og Trausti Hjálmarsson, formaður Bændasamtaka Íslands, undirrituðu í dag landsáætlun um útrýmingu á sauðfjárriðu.

Áætl­un­in ger­ir ráð fyr­ir breyttri nálg­un við út­rým­ingu riðuveiki frá því sem verið hef­ur, horft er frá því að reyna að út­rýma riðusmitefn­inu sjálfu en megin­áhersla lögð á að út­rýma veik­inni með rækt­un fjár­stofns sem ber vernd­andi arf­gerðir gegn smitefn­inu ásamt áfram­hald­andi aðgerðum til að hefta mögn­un og dreif­ingu þess.

„Hingað til hefur eina vörnin okkar verið að skera niður bústofninn. Þannig að nú erum við loksins komin með fleiri aðferðir og betri aðgerðir sem verða til þess fallnar að útrýma riðu,“ segir Hrönn Ólína Jörundsdóttir, forstjóri Matvælastofnunar, í samtali við mbl.is.

Frétt af mbl.is

Skrifa undir landsáætlun um útrýmingu riðu

Þungt að skera niður bústofna

„Við fögnum þessu. Þetta er gott fyrir fé, gott fyrir bændur, gott yfir íslenskan landbúnað. Þannig að þetta er mjög jákvætt og við fögnum þessu líka því að það er Matvælastofnun sem sér um að skera niður bústofna. Þetta er mjög erfitt verkefni, þungt. Við munum fagna því þegar síðasti riðuniðurskurðurinn verði framkvæmdur,“ segir hún. 

Hvað ert þú ánægðust með í þessari áætlun?

„Ég er rosalega ánægð að það sé svona breið samstaða. Þarna eru vísindamenn stofnanir ríkið og bændasamtökin og landbúnaðurinn að vinna saman að sameiginlegri áætlun og sameiginlegu verkefni. Að ná svona breiðri heild er gríðarlegt framfaraskref.“

Tengdar fréttir

Riðuveiki

Ánægjulegt að þurfa hvorki að nota byssu né hníf

• Stefna að riðulausu Íslandi fyrir 2044
• Skrifa undir landsáætlun um útrýmingu riðu
• Yfirdýralæknir tímabundið til ráðuneytisins
• Svandís breytir reglum um riðuveiki

» Fleiri tengdar fréttir

• Blogga um frétt