Bjarkey Olsen Gunnarsdóttir matvælaráðherra undirritaði í dag landsáætlun um útrýmingu á sauðfjárriðu, ásamt Hrönn Ólínu Jörundsdóttur, forstjóra Matvælastofnunar, og Trausta Hjálmarssyni, formanni Bændasamtaka Íslands.

Áætlunin gerir ráð fyrir breyttri nálgun við útrýmingu riðuveiki frá því sem verið hefur, horft er frá því að reyna að útrýma riðusmitefninu sjálfu en megináhersla lögð á að útrýma veikinni með ræktun fjárstofns sem ber verndandi arfgerðir gegn smitefninu ásamt áframhaldandi aðgerðum til að hefta mögnun og dreifingu þess.

Þetta kemur fram í tilkynningu frá matvælaráðuneytinu.

Hrönn Ólína Jörundsdóttir forstjóri Matvæalstofnunar, Bjarkey Olsen Gunnarsdóttir matvælaráðherra, Trausti Hjálmarsson formaður bændasamtakanna og Sigurborg Daðadóttir yfirdýralæknir. mbl.is/Arnþór

Mikilvægt framfaraskref

Áætlunin er unnin í sameiningu af stofnunum þremur og markar tímamót í þeirri baráttu sem átt hefur sér stað undanfarin 50 ár en talið er að sauðfjárriða hafi borist barst til Íslands árið 1878.

Drög að áætluninni voru kynnt í samráðsgátt stjórnvalda í maí og bárust alls 17 umsagnir frá hagaðilum.

Matvælaráðherra segir áætlunina mikilvægt framfaraskref fyrir íslenskan landbúnað, samkvæmt tilkynningunni.

Tengdar fréttir

Riðuveiki

Ánægjulegt að þurfa hvorki að nota byssu né hníf

• Munu fagna síðasta niðurskurðinum vegna riðu
• Stefna að riðulausu Íslandi fyrir 2044
• Yfirdýralæknir tímabundið til ráðuneytisins
• Svandís breytir reglum um riðuveiki

» Fleiri tengdar fréttir

• Blogga um frétt