Tilboð í Skagann 3X til skoðunar
Setja bókamerki
Helgi Jóhannesson, skiptastjóri Skagans 3X, segir mikinn áhuga á fyrirtækinu og að tilboð séu til skoðunar.
„Menn eru enn þá að hafa samband, meira að segja nýir aðilar. Það er greinilega eitthvað að krauma en það er ekkert komið nægilega upp á yfirborðið enn þá til að skýra frá,“ segir Helgi í samtali við mbl.is.
Mikið áfall
Í síðustu viku var greint frá því að fyrirtækið Baader Skaginn 3X á Akranesi hefði óskað eftir því að verða tekið til gjaldþrotaskipta. 128 starfsmenn fyrirtækisins, þar af um hundrað sem búa á Akranesi, missa fyrir vikið vinnuna.
Haraldur Benediktsson, bæjarstjóri Akraness, sagði gjaldþrotið mikið áfall fyrir bæinn og kvaðst hann vona að nýir eigendur myndu taka við rekstri fyrirtækisins.
Mikill áhugi
Á föstudaginn sagði Helgi í samtali við mbl.is að nokkrir hefðu lýst áhuga á öllu fyrirtækinu eða einstökum eignum þess.
Spurður hvort fleiri hafi haft samband yfir helgina svarar Helgi því játandi.
„Það er greinilega mikill áhugi á þessu því það er mikið hringt frá aðilum í bransanum, eins og kallað er. Það er mjög gott að heyra að það er áhugi en því lýkur ekkert fyrr en það er komið á blað og á borði. Það hafa komið tilboð sem eru í skoðun,“ segir Helgi sem kveðst þó ekki geta greint frekar frá tilboðunum.
Ráðist á bandaríska herstöð í Írak
Frömdu hundruð stríðsglæpa í árásinni
Kostnaður áætlaður 8,6 milljarðar
Íranir hafna allri aðild að banatilræðinu
/frimg/1/49/73/1497352.jpg)
Hvorki Rubio né Burgum verða varaforseti
Kourani dæmdur í átta ára fangelsi
Gæti tilkynnt varaforsetaefnið á hverri stundu