Tvær vinsælar búðir opna brátt aftur
Setja bókamerki
„Við erum bara komin í fullan gír, ef svo má segja, en auðvitað söknum við verslana sem hafa lokað,“ segir Baldvina Snælaugsdóttir, markaðsstjóri Kringlunnar. Að hennar sögn munu tvær búðir, sem urðu fyrir tjóni í bruna í verslunarmiðstöðinni, mögulega opna aftur í vikunni.
„Það eru enn um það bil tíu verslanir sem þurfa lengri tíma,“ segir Baldvina í samtali við mbl.is. Útskýrir hún að í þeim búðum hafi tjón verið svo mikið að ekki verði hægt að opna þær fyrr en í haust.
Tvær vinsælar búðir opna bráðlega
Spurð hvaða búðir opni mögulega í vikunni segist Baldvina ekki geta upplýst um það.
„Við getum ekki sett þannig viðbótarpressu á þessa aðila,“ segir hún og bætir við að þegar búðirnar verða opnaðar muni Kringlan tilkynna það.
„En ég get sagt að þetta eru vinsælar búðir,“ segir hún.
Brátt búið að opna tæpan helming
Þrjátíu búðum þurfti að loka vegna brunans sem varð í Kringlunni 15. júní en að sögn Baldvinu á enn eftir að opna átján búðir. Nefnir hún að búið verði að opna tæpan helming búðanna, sem urðu fyrir tjóni, þegar búðirnar tvær fyrrnefndu verða opnaðar.
„Það er lögð ofuráhersla á að opna aftur, það er náttúrulega bara algjört forgangsatriði,“ segir hún og bætir við: “Við erum að gera allt sem við getum til að aðstoða rekstraraðila með að geta opnað sem allra fyrst.“
Under Armour og Dressmann opna brátt
Baldvina hefur orð á að á vef Kringlunnar sé listi yfir verslanir sem eru lokaðar.
„Við að sjálfsögðu uppfærum hann daglega og fögnum gríðarlega þegar við getum strokað út,“ segir hún.
Á listanum, eins og hann er í dag, kemur fram að búðirnar Dressmann og Under Armour opni á næstu dögum.
Göngumaðurinn fannst fyrir botni Birnudals
Líkin rak fram eftir öllu vori
„Ég gæti ekki lifað með sjálfum mér“
Segir að engum skotum hafi verið hleypt af
Kaupfélag Skagfirðinga kaupir Kjarnafæði Norðlenska hf.
Svikahrappar nota íslensk símanúmer
Sérsveitin kölluð til aðstoðar á Suðurlandi
Aðgerðum sérsveitar lokið: Tveir handteknir