Guðmundur Ingi Ásmundsson, forstjóri Landsnets, hefur skrifað undir samning við fulltrúa frá Hengtong Submarine Cable um kaup og lagningu á 38,8 km af sæstrengjum.

Um er að ræða tvo nýja Vestmannaeyjastrengi og nýjan streng yfir Arnarfjörðinn, að því er kemur fram í tilkynningu. Lagningarskip kemur til landsins næsta sumar og mun leggja alla strengina.

Frétt af mbl.is

Eyjamenn stefna á full orkuskipti

Bæta afhendingaröryggi

„Nýju strengirnir munu bæta afhendingaröryggið á svæðunum til muna,“ segir í tilkynningunni.

Frá Rimakoti verður lagður 3,5 km langur jarðstrengur sem tengist sæstreng um 250 m frá fjöruborðinu í Landeyjarfjöru. Þaðan verður 13 km langur sæstrengur lagður til Vestmannaeyja og tengjast 1,3 km jarðstreng að tengivirki í bænum.

Framkvæmd Mjólkárlínu 2 felst í lagningu nýs 66 kV jarðstrengs 2,4 km frá Bíldudal meðfram sunnanverðum Bíldudalsvogi að Haganesi. Nýr 66 kV sæstrengur 11,8 km verður lagður yfir Arnarfjörð fyrir Langanes að Hrafnseyri. Að lokum verður lagður 66 kV jarðstrengur frá Mjólká og þangað sem sæstrengurinn kemur í land við Hrafnseyri.

Frétt af mbl.is

Flýta lagningu á nýjum Vestmannaeyjastreng

Tengdar fréttir

Orkuskipti

„Út í hött“ að neytendur fái ekki sæti við borðið

• Stjórnarsamstarfið geri markmið Íslands torsótt
• Raforkukostnaður hækkaði um 10,7% hjá Veitum
• 77% telja orkuskort yfirvofandi
• 510 milljónir í hreinorku vörubíla

» Fleiri tengdar fréttir

• Blogga um frétt