Segir það styrk að hafa bónda á þingi

Trausti Hjálmarsson, formaður Bændasamtakanna, segir mikinn styrk fyrir bændur að hafa bónda á Alþingi sem berst fyrir hagsmunum þeirra. Hann telur allt hafa verið upp á borðinu varðandi eignarhlut Þórarins Inga Péturssonar í Búsæld ehf.

Þór­ar­inn Ingi er þingmaður Fram­sókn­ar­flokks­ins og formaður at­vinnu­vega­nefnd­ar Alþing­is.

Hann á 0,8% hlut í Bú­sæld ehf., sem á rúm­lega 43% hluta­fjár í Kjarna­fæði Norðlenska hf. Hlut­haf­ar í Kjarna­fæði Norðlenska hf. hafa nú samþykkt til­boð Kaup­fé­lags Skag­f­irðinga um kaup á allt að 100% hluta­fjár í Kjarna­fæði Norðlenska hf.

Frétt af mbl.is

SKE vill breytingar á nýbreyttum búvörulögum

Undanþága í lögum

Kaup­in eru mögu­leg vegna nýrra bú­vöru­laga sem voru samþykkt í mars. Þau fela meðal ann­ars í sér und­anþágu afurðastöðva í kjötiðnaði frá sam­keppn­is­lög­um sem ger­ir þeim auðveld­ara fyr­ir að sam­ein­ast, en sú tillaga kom frá meirihluta atvinnuveganefndar.

Aðkoma Þórarins Inga að málinu hefur verið gagnrýnd. Í samtali við mbl.is í gær sagði Þórarinn að það hefði legið fyrir síðan hann tók sæti á Alþingi að hann og kona hans ættu 0,8% hlut í Bú­sæld. Það komi fram í hagsmunaskrá hans á vef Alþingis. 

Frétt af mbl.is

„Þetta lá fyrir allan tímann“

Styrkleiki fyrir bændur

„Ég hef ekki orðið var við það að hann hafi á nokkurn hátt verið að reyna fela sinn bakgrunn, hver hann er eða hvaðan hann kemur. Það er mat alþingismanna hverju sinni hvort þeir séu vanhæfir eða ekki. Ef að hagsmunaskráningin er í lagi þá voru allir upplýstir um hans stöðu,“ segir Trausti.

Þá segir hann mikilvægt að ólíkir einstaklingar með ólíkan bakgrunn sitji á Alþingi.

„Það er mikilvægt að á Alþingi Íslendinga sitji fólk úr ólíkum greinum atvinnulífsins. Það að bændur skuli hafa þann styrkleika að geta haft fulltrúa á þingi til að berjast fyrir sínum hagsmunum er mikilvægt fyrir landbúnaðinn.“

• Blogga um frétt