Segist standa við bakið á Skagamönnum
Setja bókamerki
„Þetta er náttúrulega gríðarlegt áfall upp á Skaga út af gjaldþroti 3X og fleiru og við viljum sýna það mjög skýrt að við stöndum við bakið á Skagamönnum.“
Þetta segir Guðlaugur Þór Þórðarson, umhverfis-, orku-, og loftslagsráðherra, sem hefur undirritað viljayfirlýsingu við Akraneskaupstað um að stuðla að því að hluti starfstöðva, sem heyri undir ráðuneytið og stofnanir þess, verði á svokölluðum Sementsreit við Mánagötu 20.
Sérstaklega mikilvægt
„Það er viljayfirlýsing þar sem við lýsum áhuga á að taka þátt í þessari stjórnsýslubyggingu því við ætlum að styrkja starfsemina á Akranesi,“ segir ráðherrann í samtali við mbl.is.
Hann segir ráðuneytið lengi hafa sýnt því áhuga að halda úti starfstöðvum á Sementsreit en það sé sérstaklega mikilvægt að gefa þau skilaboð í ljósi hópuppsagna hjá 3X og starfsfólki Skútunnar - þjónustustöðvar N1.
Stefnt er að því að þar rísi bygging sem rúmi ráðhús Akranesskaupstaðar og mögulega fleiri stofnanir Sveitarfélagsins.
Í yfirlýsingunni segir að gert sé ráð fyrir að unnið verði að verkefninu, auk Akraneskaupstaðar, í samvinnu við önnur ráðuneyti, Framkvæmdasýslu - ríkiseignir og fleiri.
Fyrsti blaðamannafundurinn í heild sinni
Lát hjóna í Neskaupstað: Ákæra gefin út
Skattamál verði líklega „þeirra mesta klemma“
Beint: Ný ríkisstjórn tekin við völdum
„Tímabil aukinnar eldvirkni“
„Börn heima sem maður myndi vilja hafa í skjóli“
Forstjóri bendir á ábyrgð birgja vegna verðhækkana
