Alvarlegt bílslys á Holtavörðuheiði
Setja bókamerki
Alvarlegt umferðarslys varð á Holtavörðuheiðinni upp úr kl. 16 í dag. Tveir fólksbílar sem komu úr gagnstæðum áttum skullu saman og fóru báðir út af veginum. Alls voru sjö manns í bifreiðunum.
Tvær þyrlur Landhelgisgæslunnar voru ræstar út og búið er að loka fyrir umferð yfir heiðina í báðar áttir. Tveir voru í annarri bifreiðinni og fimm í hinni, að sögn lögreglu.
Önnur þyrlan er á leið til Reykjavíkur með einn slasaðan um borð, segir Hreggviður Símonarson á bakvakt aðgerðastjórnar Landhelgisgæslunnar í samtali við mbl.is.
Óljóst er hvort fleiri verða fluttir. Seinni þyrlan var ræst út sem varúðarráðstöfun, að sögn Hreggviðar.
Einn festist í bílnum
Birgir Jónasson, lögreglustjóri á Norðurlandi vestra, segir við við mbl.is að einn hafi fests í öðrum bílnum en kveðst ekki vita hvort búið sé að losa hann.
Það virðist hafa verið „töluvert“ um farþega í öðrum bílnum að sögn lögreglustjórans.
Birgir kveðst ekkert vita um áverka á fólki en segir tvær þyrlur Landhelgisgæslunnar hafa verið ræstar út. Því megi draga þá ályktun að slysið sé alvarlegt.
Á myndum sem vegfarendur sendu mbl.is má sjá tvo bíla utan vegar. Mikið tjón er á öðrum þeirra.
Gert er ráð fyrir að vegurinn yfir Holtavörðuheiði verði lokaður í einhverjar klukkustundir. Vegagerðin bendir á hjáleiðir um Bröttubrekku og Laxárdalsheiði.
Uppfært:
„Við erum að þessu fyrir börnin“
Stjórnarmönnum Vals hótað lífláti – lögregla á staðnum
„Ef ég væri leikmaður, þá stæði mér ekki á sama“
Íslendingar hlupu undan vopnuðum manni í Helsinki
„Skelfilegt að svona komi upp“
„Hvað á það að kosta mörg slys?“
Vill kynningu frá Landsneti á kínverskum streng