Ekki er nægilega vel gætt að öryggi þjóðarinnar nú þegar Landsnet hefur fest kaup á kínverskum sæstrengjum sem lagðir verða við Íslandsstrendur. Þetta segir Björn Bjarnason, fyrrverandi ráðherra, á bloggsíðu sinni.

Greint var frá því í gær að Landsnet hefur fest kaup á 38,8 km af sæstrengjum sem og lagningu þeirra frá kínverska fyrirtækinu Hengt­ong Su­bmar­ine Ca­ble.

Frétt af mbl.is

Landsnet kaupir 38 km af sæstrengjum

Fyrirtækið besti vinur Kommúnistaflokksins

Björn segir á síðu sinni að auðvelt sé að sjá að kínverska fyrirtækinu sé lýst sem „besta vini“ Kommúnistaflokksins í Kína.

Þá segir hann Hengtong Submarine Cable vera tól kommúnistastjórnar Kína til að koma hælum sínum sem víðast og ná ítökum.

Hann lítur sérstökum augum á Landsnet þar sem ein grunnhugmynd fyrirtækisins sé að flytja raforku á öruggan hátt.

„Hvað sem líður öllum vangaveltum á alþingi hefðu stjórnendur Landsnets átt að skynja sérstöku ábyrgðina sem hvílir á ákvörðunum þeirra í ljósi þjóðaröryggis. Verði aftur snúið með þessi viðskipti ætti að gera það,“ segir á síðu Björns.

Tengdar fréttir

Þjóðaröryggismál

Mögulegur olíuskortur í landinu þjóðaröryggismál

• Sameina flugherina vegna kjarnorkuhers Rússa
• Stjórnkerfið skortir burði í öryggismálum
• Stefnt er að opnun nýs þjóðgarðs 17. júní
• Menning og gleði við hvert fótmál

» Fleiri tengdar fréttir

• Blogga um frétt