Guðmundur Ingi Kristinsson, þingmaður Flokks fólksins, segir nauðsynlegt að nýjum búvörulögum verði breytt. Hann óttast að verð á kjötvöru muni hækka.

Ný búvörulög voru samþykkt í mars. Þau fela meðal ann­ars í sér und­anþágu afurðastöðva í kjötiðnaði frá sam­keppn­is­lög­um sem ger­ir þeim auðveld­ara fyr­ir að sam­ein­ast.

Nú um helgina var greint frá því að hlut­haf­ar í Kjarna­fæði Norðlenska hf. höfðu samþykkt til­boð Kaup­fé­lags Skag­f­irðinga um kaup á allt að 100% hluta­fjár í Kjarna­fæði Norðlenska hf. Kaupin eru mögulega vegna hinna nýju laga.

Lögin hafa verið gagnrýnd af ýmsum, meðal annars Samkeppniseftirlitinu.

Frétt af mbl.is

SKE vill breytingar á nýbreyttum búvörulögum

Líklegt að verð á kjötvöru hækki

Guðmundi Inga líst illa á kaup Kaup­fé­lags Skag­f­irðinga á Kjarna­fæði Norðlenska hf. Hann vonast til að verð á kjötvöru hækki ekki, en honum þykir það þó líklegt.

„Mér líst illa á þetta. Við í Flokki fólksins vorum á móti þessu. Þarna var verið að fara á snið við samkeppnislög og okkur hugnar það ekki vegna þess að á endanum bitnar það alltaf á neytendum,“ segir Guðmundur Ingi í samtali við mbl.is.

„Ég held að þeir sem munu kannski mest tapa á þessu eru bæði bændur og neytendur, svo munu milliliðirnir græða,“ segir Guðmundur Ingi enn fremur. 

Málið verði aftur tekið upp á þingi

Þá segir Guðmundur Ingi ljóst að þessar breytingar á búvörulögum hafi verið gerðar til að komast hjá Samkeppniseftirlitinu. Hann segir að Flokkur fólksins muni beita sér í þessu máli er þing kemur aftur saman í ágúst.

„Við verðum að stöðva svona rugl. Þetta gengur ekki upp,“ segir Guðmundur Ingi.

Tengdar fréttir

Bændur á Íslandi

Vilja búvörulagafrumvarp beint í Hæstarétt

• Segir KS að stöðva áform um kaup
• Nauðsynlegt að áfrýja dómnum
• „Það er ekki verið að huga að hag neytenda“
• Dómur héraðsdóms án fordæma

» Fleiri tengdar fréttir

• Blogga um frétt