Flykkjast norður og austur í sól

Á sunnudag fer hiti allt upp í 25 stig á Egilsstöðum og að sögn Margrétar Lilju Skarphéðinsdóttur, starfsmanns á tjaldsvæðinu á Egilsstöðum, er tjaldsvæðið löngu orðið fullbókað.

„Það er bara allt stappað og margt fólk hérna,” segir Margrét.

Sömu sögu má segja af tjaldsvæðinu í Ásbyrgi, en Rakel Anna Boulter, landvörður við Vatnajökulsþjóðgarða, segir í samtali við Morgunblaðið að þétt sé setið á tjaldsvæðinu.

„Það er mjög þétt setið á tjaldsvæðinu og við erum með alveg pakkað bókunarkerfi.”

Íslendingar vilja rafmagnið

Rakel segir að tjaldstæði með rafmagni séu alltaf fyrst að fara og að þau séu sérstaklega eftirsótt á meðal Íslendinga.

„Það fyllist alltaf fyrst í rafmagnið og rafmagnsstæðin eru orðin alveg full. Það væri ekki hægt að koma alla helgina í rafmagn, en ef fólk vill koma eina nótt, væri alveg hægt að reyna koma þeim að,” segir Rakel.

Spurð hvort það sé sérstakur undirbúningur í gangi fyrir fullbókaða helgi eins og er fram undan segir Rakel að hann sé aðallega andlegur og hlær.

„Við erum bara vel mönnuð á tjaldsvæðinu og reynum að halda þessu snyrtilegu og fínu,” bætir hún svo við.

Lesa má meira um málið í Morgunblaðinu í dag