Hjólhýsi fauk út af Hringveginum nálægt Blönduósi fyrir skömmu. Engin slys eru á fólki.
Birgir Jónasson, lögreglustjóri á Norðurlandi vestra, staðfestir þetta í samtali við mbl.is.
Lögreglustjórinn segir að hvasst sé bæði í Austur- og Vestur-Húnaþingi, auk þess sem þung umferð sé úr Reykjavík. Hann vill brýna fyrir ökumönnum að fara varlega.
Frekari upplýsingar gat hann ekki veitt.
Annað hjólhýsi fauk út af veginum í gær, samkvæmt því sem lögreglan skrifar á Facebook.