„Þá væri þessi Mohammed Kourani farinn“
Setja bókamerki
„Ef að þessi löggjöf Flokks fólksins og þessi breytingartillaga mín hefði náð fram að ganga í júní síðastliðnum, þá væri þessi maður farinn af landi brott. Þá væri þessi Mohammed Kourani farinn,“ segir Inga Sæland, formaður Flokks fólksins, í nýjum þætti hlaðvarpsins Síðdegisútvarpið.
Gagnrýnir þar formaðurinn Guðrúnu Hafsteinsdóttur dómsmálaráðherra fyrir að hafa í júní síðastliðnum fellt breytingartillögu Flokks flokksins við útlendingalögin.
Fól tillagan í sér að allir þeir sem hlotið hafa hér alþjóðlega vernd séu ekki undanþegnir því að vera brottvísað af landinu gerist þeir ítrekað brotlegir við lög.
Segir auka fangaverði hafa verið ráðna
mbl.is greindi frá í gær að gripið hefur verið til varúðarráðstafana á Litla-Hrauni vegna Kourani sem bíður dómsuppkvaðningar vegna stunguárásar sem átti sér stað í mars. Kom þá fram að að viðbúnaðurinn sem nú sé á Litla-Hrauni vegna Sýrlendingsins eigi sér enga hliðstæðu.
Í Síðdegisútvarpinu á Útvarpi Sögu hélt Inga því fram að búið sé að ráða fjóra auka fangaverði á Litla-Hraun, einungis til að höndla Kourani.
„Það er búið að ráða hér fjóra auka fangaverði á Litla Hraun bara til þess að geta sinnt hans ofbeldi og hans ógnum. Hann í rauninni svífst einskis.“
Eftir árás Kourani í OK market upplýsti Helgi Magnús Gunnarsson vararíkissaksóknari að Kourani hafi einnig staðið í hótunum við sig árum saman og hlotið dóm fyrir. Í heild voru sakarefnin þá líkamsárás, húsbrot, brot gegn nálgunarbanni, eignaspjöll, brot gegn sóttvarnalögum, brot gegn valdstjórninni, fyrir að gabba lögreglu, brot gegn vopnalögum, skjalafals og umferðarlagabrot.
Flokkurinn vildi umsvifalaust svipta dvalarleyfi
Í eldhúsdagsumræðum sem fóru fram 12. júní sagði dómsmálaráðherra að það væri sjálfsögð og eðlileg lágmarkskrafa að þeir sem dvelja hér á landi, hvort sem um er að ræða Íslendinga eða aðra, fari eftir íslenskum lögum. Væri það því hennar skoðun að ef flóttamaður gerist uppvís um alvarlegan glæp á Íslandi ætti að svipta hann dvalarleyfi.
Sagði ráðherra að til að tryggja öryggi borgara í landinu vildi hún setja sambærilegt ákvæði í íslensk lög og finna mætti á Norðurlöndunum.
Í breytingartillögu Flokks fólksins, sem lögð var fyrir 13. júní kemur fram að flokkurinn skilji ekki hvers vegna það þurfi að gefa fyrirheit um að lagafrumvarp sem tryggi þessa breytingu verði lagt fram einhvern tímann í framtíðinni.
„Ef flóttamaður verði uppvís um alvarlegan glæp á Íslandi skuli umsvifalaust svipta hann dvalarleyfi og hann sendur úr landi,“ segir í tillögunni.
Breytingar á lögum í vinnslu
Dómsmálaráðherra greiddi atkvæði gegn tillögunni degi síðar vegna þess að hún sagði að breytingartillagan myndi ekki ná markmiðum sem hún ætti að ná af lagatæknilegum ástæðum.
„Breytingartillaga Flokks fólksins tekur í engu tilliti til afturköllunar alþjóðlegrar verndar en það er grundvallaratriði í þessu samhengi. Af þeim sökum er tillagan ótæk og því greiði ég atkvæði gegn henni,“ sagði í svari dómsmálaráðherra.
Sagði þá dómsmálaráðherra í viðtali við mbl.is 4. júlí að breytingar á útlendingalögum fyrir næsta haustþing væru í vinnslu í dómsmálaráðuneytinu um þessar mundir og meðal þess sem væri til skoðunar er afturköllun á alþjóðlegri vernd.
Þetta eru ráðherrar ríkisstjórnarinnar
Lát hjóna í Neskaupstað: Ákæra gefin út
Stormur á Þorláksmessu en víðast hvar stefnir í hvít jól
Samfylking og Viðreisn gáfu loforð
Bjarni: „Útilokað að þetta geti gengið upp“
Alvarleg netárás á Wise
„Börn heima sem maður myndi vilja hafa í skjóli“
„Tímabil aukinnar eldvirkni“
