„Nú í morgunsárið rignir enn hraustlega vestantil á landinu en á næstu klukkustundum mun talsvert draga úr ákefðinni, sunnan kaldi eða strekkingur þar þegar líður á morguninn og rigning eða súld með köflum.“

Svo segir í hugleiðingum veðurfræðings á Veðurstofu Íslands. 

Frétt af mbl.is

Hitinn á pari við Tenerife

Á austanverðu landinu er hins vegar útlit fyrir rjómablíðu, fremur hægur vindur, léttskýjað og hiti víða á bilinu 17 til 24 stig.

Á morgun má búast við tiltölulega hægum vind og þá mun létta til á Vesturlandi. Bjart og hlýtt veður verður í flestum landshlutum þegar líður á morguninn.

Hiti verður yfirleitt 14 til 23 stig, hlýjast í innsveitum norðanlands, en þó eru líkur á þokulofti við austurströndina og verður mun svalara þar sem það lætur á sér kræla.

Veðurvefur mbl.is. 

Tengdar fréttir

Veður

Hitinn gæti farið yfir 26 gráður

• Tjón eftir úrkomumet: „Landslagið er gjörbreytt“
• Breytinga að vænta í veðrinu
• „Þetta eru fáheyrðar tölur“
• Hlýjast á Norðurlandi

» Fleiri tengdar fréttir

• Blogga um frétt