Íslenskur maður á miðjum aldri fannst látinn á Spáni á föstudaginn. Tildrög andlátsins liggja ekki fyrir að svo stöddu.
DV greindi fyrst frá og segir í umfjöllun miðilsins að maðurinn hafi verið 48 ára og láti eftir sig fjögur börn. Andlátið hafi borið óvænt að.
Marín Þórsdóttir, verkefnastjóri hjá heimferða- og fylgdadeild ríkislögreglustjóra, staðfestir í samtali við mbl.is að íslenskur ríkisborgari hafi látist á Spáni á föstudaginn.
Kveðst hún hvorki hafa upplýsingar til að staðfesta aldur mannsins né að hann hafi verið fjögurra barna faðir.
Málið er á borði spænsku lögreglunnar.