Magnús um viðtalið: „Alvarleg aðdróttun“

„Umræðan sem fer í gang um að grunnskólar séu misduglegir að gefa A, B eða C í einkunn, er að gefa það til kynna að einhvers staðar séu kennarar eða skólar sem eru ekki að fylgja námskránni og mér finnst það alvarleg aðdróttun að setja fram án þess að rökstyðja það á nokkurn hátt,“ segir Magnús Þór Jónsson, formaður Kennarasambands Íslands.

Vísar hann þá til Dagmálaviðtals við Jón Pétur Zimsen, aðstoðarskólastjóra Réttarholtsskóla, sem sagði m.a. að ekkert eftirlit væri með einkunnagjöf kennara í grunnskólum. Gagnrýndi Jón Pétur auk þess að aðalnámskrá grunnskóla og hæfniviðmið væru óljós.

Frétt af mbl.is

Ekkert eftirlit og gagnrýnin hugsun á undanhaldi

Kennarar fylgja viðmiðum

Magnús Þór segir kennara þurfa að fylgja námskrá og hæfniviðmiðum, sem þar sé að finna, þegar kemur að einkunnagjöfum í grunnskólum.

„Mín reynsla af skólastarfi er sú að kennarar fylgi þeim og ég er ósammála því að það sé einhvers konar einkunnaverðbólga,“ segir hann.

Hann segir algengt að foreldrar séu óánægðir yfir því að skólar séu ekki tilbúnir að gefa börnum þeirra hærri einkunnir til að þau komist inn í einhverja ákveðna menntaskóla og að það sé mikill ágangur á kennara og skólastjórnendur að hækka einkunnir þeirra.

Viðtalið í heild sinni má lesa í Morgunblaðinu í dag.