Hætta rannsókn á skipverjum Polar Nanoq

Saksóknarar á ákærusviði lögreglunnar á höfuðborgarsvæðinu hafa tekið ákvörðun um að hætta rannsókn máls er varðar ætlað kynferðisbrot skipverja grænlenska togarans Polar Nanoq.

„Það var metið sem svo að það væri ekki grundvöllur til að halda rannsókn málsins áfram,“ segir Árni Bergur Sigurðsson, saksóknari hjá ákærusviði lögreglunnar, í samtali við mbl.is.

Enginn er því með réttarstöðu sakbornings í málinu en Árni staðfestir að enginn sæti gæsluvarðhaldi í tengslum við málið.

Frétt af mbl.is

Grunaður um kynferðisbrot á Polar Nanoq

Kærufrestur ekki enn liðinn

Árni upplýsir ekki nánar um ástæður fyrir því að hætt var að rannsaka málið en nefnir þó að enn sé hægt að kæra ákvörðunina til ríkissaksóknara.

Útskýrir hann að 30 daga frestur sé til að kæra ákvarðanir af þessum toga og að fresturinn sé ekki liðinn í þessu tiltekna máli.

Staðfest að rannsóknin beindist að Polar Nanoq

Lög­regl­an hóf rann­sókn máls vegna gruns um kyn­ferðis­brot í Hafnar­f­irði í júní en ekki var þá staðfest hvort rann­sókn­in beind­ist að skip­verja um borð í tog­ar­an­um.

Staðfest var í byrjun júlímánaðar að rannsókn lögreglu á málinu væri lokið og að Pol­ar Nanoq og skip­verj­ar þess hafi tengst henni.

Frétt af mbl.is

Rannsóknin beindist að Polar Nanoq

• Blogga um frétt