Þetta eru dýrustu og ódýrustu hamborgaramáltíðirnar

Þetta er í þriðja sinn sem slík könn­un er fram­kvæmd. Hin fyrsta var gerð í fe­brú­ar 2023 og sú næsta í júní sama ár. Nú, ári síðar, er ástandið engu betra og mjög í takt við þær frétt­ir sem reglu­lega ber­ast af erfiðum rekstri veit­inga­húsa.

Frétt af mbl.is

Helm­ing­ur hækkaði verðið

Ham­borg­ara­verð er á upp­leið. Kort/​mbl.is

Dýr­ast hjá Ham­borg­arafa­brikk­unni

Rétt eins og fyrr er dýr­asta máltíðin hjá Ham­borg­arafa­brikk­unni. Fabrikku­stöðunum hef­ur reynd­ar fækkað tals­vert á þessu eina og hálfa ári en verðið hef­ur hækkað um 11%.

Nú kost­ar það 3.698 krón­ur að graðga í sig máltíð þar. Fjög­urra manna fjöl­skylda pung­ar út tæp­um 15 þúsund krón­um fyr­ir her­leg­heit­in.

Þá er ekki horft til þess að fjár­fest sé í sós­um eða öðru meðlæti og hvað þá að ein­hver leyfi sér munað á borð við bjór- eða vínglas með matn­um.

Kannað var verð hjá níu veit­inga­stöðum sem sér­hæfa sig í ham­borg­ur­um og bjóða upp á að gest­ir geti sest niður og notið mat­ar­ins.

Lesa má um­fjöll­un­ina í heild sinni í Morg­un­blaðinu í dag.

Árétt­ing: For­vars­menn Yuzu vilja koma því á fram­færi að á Yuzu er sósa með frönsk­um innifal­in í máltíðinni. Á öðrum stöðum sé rukkað í kring­um 300 krón­ur fyr­ir sósu.

Frétt af mbl.is

Lang­dýr­asti ham­borg­ari lands­ins lækk­ar í verði