Varðhald framlengt vegna almannahagsmuna

Héraðssaksóknari fer fram á fjögurra vikna framlengingu gæsluvarðhalds yfir manninum sem grunaður er um að hafa stungið annan mann á Súðavík. Um ræðir varðhald á grundvelli almannahagsmuna.

Núverandi gæsluvarðhald rennur út á morgun en Karl Ingi Vilbergsson, saksóknari hjá héraðssaksóknara, staðfestir að gæsluvarðhaldið verði framlengt á morgun um fjórar vikur.

Maðurinn hefur núna sætt gæsluvarðhaldi frá því snemma í júní en hann var þá fyrst úrskurðaður í varðhald á grundvelli rannsóknarhagsmuna vegna gruns um að hafa stungið mann með hnífi í heimahúsi.

Frétt af mbl.is

Úrskurðaður í vikulangt gæsluvarðhald

Úrskurður bendir til sterks gruns um sekt

Greint var frá því í síðustu viku að rannsókn lögreglu á málinu væri lokið og að það væri komið á borð héraðssaksóknara.

Frétt af mbl.is

Stunguárás til héraðssaksóknara

Tekur Karl fram að maðurinn sæti ekki lengur gæsluvarðhaldi á grundvelli rannsóknarhagsmuna heldur sé hann nú í haldi vegna almannahagsmuna. Útskýrir hann að menn séu almennt úrskurðaðir í slíkt varðhald þegar sterkur grunur leikur á að þeir hafi framið alvarlegt afbrot.

Sá sem varð fyrir árásinni hlaut lífshættulegt stungusár og var fluttur með sjúkraflugi til Reykjavíkur en hann er nú úr lífshættu.

• Blogga um frétt