Gámur féll á bílastæði á Akureyri

Gámur á vegum Eimskips féll á bílastæði landbúnaðarfyrirtækisins Bústólpa á Akureyri í dag.

Samkvæmt heimildum mbl.is urðu ekki nein slys á fólki.

Stæðin tóm

Gámurinn féll á girðingu Bústólpa og bílastæði þar sem viðskiptavinir fyrirtækisins leggja. Bíl var lagt í stæði þar stuttu áður en gámurinn féll. Stæðin voru tóm þegar slysið átti sér stað.

Lögregla Norðurlands eystra var kölluð til, en hún vildi ekki tjá sig um málið. 

• Blogga um frétt