Taka ábyrgð á palestínsku fánunum í Hallgrímskirkju
Setja bókamerki
Samtökin No Borders Iceland hafa tekið ábyrgð á palestínsku fánunum sem hengdir voru upp í kirkjuturni Hallgrímskirkju í dag.
Þetta staðfesta samtökin í tölvupósti til mbl.is.
Þá hafa samtökin sent frá sér tilkynningu á Facebook. Hana má lesa í heild sinni hér að neðan.
Samtökin gagnrýna íslensk stjórnvöld og segja framferði þeirra „skammarlegt og ógeðfellt“. Í því samhengi nefna þau sérstaklega frystingu framlaga til palestínsku flóttamannaaðstoðarinnar og brottvísun Yazan Tamimi.
„Í stuttu máli eru kröfur okkar:
1. Ísland slíti stjórnmálasambandi við Ísrael og að viðskiptabann verði sett á landið.
2. Ísland styðji málsókn Suður-Afríku fyrir Alþjóðadómstólnum.
3. Ekki fleiri brottvísanir, byrja á að stöðva brottvísanir til Grikklands og beitingu Dyflinnarreglugerðarinnar.“
Í samtali við mbl.is staðfesti starfsmaður Hallgrímskirkju að fánarnir hefðu aðeins hangið í kirkjuturninum í um fimm mínútur. Harmaði starfsmaðurinn að til þeirra hefði ekki verið leitað en kirkjan hangi ekki upp fána, annan en þann íslenska og þá sem sýni kristileg merki.
Sveitalubbinn með Hvíta húsið í sigtinu
Íranir hafna allri aðild að banatilræðinu
Palestínskir fánar hengdir upp í óþökk kirkjunnar
Íslenskt tónskáld tilnefnt til Emmy verðlauna
Við höfum „runnið til baka niður brekkuna“
Best að skella á og hringja strax í bankann