Í dag verður þungbúið á landinu og er spáð vætu í flestum landshlutum, að því er segir í hugleiðingum veðurfræðings Veðurstofu Íslands.
Heldur birti til eftir hádegi „en þó eru líkur á skúradembum sunnantil seinnipartinn, jafnvel með eldingum um tíma suðvestanlands,“ segir í hugleiðingunum.
Þó er þessu spáð með þeim varnagla að eldingaspár séu mjög óvissar.
Á morgun verður áfram óstöðugt loft yfir landinu og víða skúrir, sérlega síðdegis. Um helgina er spáð að norðlægari vindum.
„Það þykknar upp með rigningu á Norðurlandi á laugardag og hiti fer lækkandi á þeim slóðum, en í öðrum landshlutum verða áfram svipað veður. Almennt skýjað og víða væta á sunnudag,“ segir í hugleiðingum veðurfræðings.