Pawel Bartoszek varaborgarfulltrúi Viðreisnar segir leigubílaþjónustuna þurfa að stíga meira inn í nútímann og hætta að kalla eftir því að markaðurinn fari í sama far og var áður en ný leigubifreiðalög voru tekin upp.

Hann segir það vera í höndum aðila á leigubílamarkaðnum að hlusta á markaðinn og á það sem hann segir. Þá geti þeir reynt að koma með lausnir sem tryggja þeim áfram góða stöðu á markaðnum.

Frétt af mbl.is

„Hvað á það að kosta mörg slys?“

Pawel Bartoszek. mbl.is/Eggert

Beita þurfi lögum

Um hvernig hann myndi vilja sjá lögin endurskoðuð segir hann að ekki þurfi að taka stór skref í frjálsræðisátt en ekki ætti að taka skref til baka heldur.

Segir hann að þau vandamál sem upp hafa komið í kjölfar nýju laganna verði ekki leyst með fjöldatakmörkunum. Þess í stað þurfi að beita lögum.

„Ég hef nákvæmlega ekkert á móti því að ríkisvaldið beiti sínum úrræðum til þess að koma í veg fyrir óeðlilega viðskipahætti,“ segir Pawel og bætir við:

„Ríkisvaldið þarf náttúrulega að beita sinni sleggju af öllum þunga til að geta komið í veg fyrir allt slíkt svo að heiðarlegt fólk geti staðið í sínum viðskiptum. En við eigum að gera það með því að beita lögum en ekki endilega beita fjöldatakmörkunum sem leiðum að því markmiði.“

Umfjöllunina má finna í heild sinni í Morgunblaðinu í dag.

Tengdar fréttir

Leigubílaþjónusta

Kynferðisbrotamálin komin á borð héraðssaksóknara

• Segir ítrekuð nauðgunarmál hafa komið upp
• „Hvað á það að kosta mörg slys?“
• Orðrómurinn farinn að fæla fólk frá landinu
• Forvitnast um aðgerðir vegna svindlara

» Fleiri tengdar fréttir