Almannaöryggi ekki í hættu
Setja bókamerki
Ekkert bendir til þess að Microsoft-bilanir sem skekja nú heimsbyggðina stofni almannaöryggi á Íslandi í hættu, að sögn embættis ríkislögreglustjóra.
„Við verðum vör við bilanir líkt og aðrir notendur Microsoft. Þetta eru samt minniháttar bilanir,“ segir Marín Þórsdóttir, staðgengill samskiptastjóra ríkislögreglustjóra.
„Og virðist það sama eiga við um aðra hér á landi.“
Rekið til CrowdStrike
Meiriháttar kerfisbilun hjá Microsoft má rekja til gallaðrar kerfisuppfærslu netöryggisfyrirtækisins CrowdStrike.
Fjölmiðlar, lestarkerfi, heilbrigðisþjónusta, fjarskiptafyrirtæki, bankar og jafnvel skipuleggjendur Ólympíuleikanna finna fyrir áhrifum bilunarinnar.
Marín segir að lögregla fái almennt ekki tilkynningar um slíkar bilanir nema þær valdi „þannig áhrifum að um almannavarnaástand sé að ræða“.
„En það er ekkert sem bendir til þess að umrædd bilun leiði til slíks,“ segir Marín.
Vegna rekstrartruflana gátu viðskiptavinir Landsbankans ekki skráð sig inn í netbankann eða í Landsbanka-appið fyrr í dag.
Lát hjóna í Neskaupstað: Ákæra gefin út
Var engin kristnitaka árið 1000?
Barn lést í árásinni
Beint: Ný ríkisstjórn tekin við völdum
Bjarni: „Útilokað að þetta geti gengið upp“
Víkingar komnir yfir 800 milljónir í greiðslur
Fyrsti blaðamannafundurinn í heild sinni
