Kerfisbilun ekki haft áhrif á flugumferð
Setja bókamerki
Kerfisbilun Microsoft hefur ekki haft nein áhrif á flugumferð Icelandair, en kerfi flugfélagsins eru hýst hjá tæknirisanum.
„Við erum með mikla Microsoft innviði,“ segir Guðni Sigurðsson, upplýsingafulltrúi Icelandair, í samtali við mbl.is.
Þrátt fyrir það segir hann umrædda bilun ekki hafa haft nein áhrif á kerfi flugfélagsins.
Unnið sé að því að greina málið og er frekari upplýsinga að vænta síðar í dag, að sögn Guðna.
Öll flug Play á áætlun í morgun
Að sama skapi gætir áhrifanna ekki hjá flugfélagi Play, að sögn Nadinar Guðrúnar Yaghi, upplýsingafulltrúa félagsins, en kerfi félagsins eru hýst hjá AWS, eða Amazon Web Services.
Aðspurð segir hún öll flug félagsins hafa verið á áætlun í morgun. Flugfélagið sé þó vakandi og fylgist vel með stöðu mála í dag.
„Enn sem komið er höfum við ekki heyrt af neinni seinkun,“ segir Nadine.
Enn sem komið er hafa örðugleikarnir ekki heldur haft nein áhrif á Keflavíkurflugvelli að sögn staðgengils upplýsingafulltrúa Isavia.
Vatn í tankskipum
Palestínumenn haft í hótunum við matarúthlutun
Ekkert komið í stað prófanna
Fylgjast þarf náið með kerfisbilun hjá Microsoft
Skyldasti ættingi SARS „var í þeirra eigin ísskáp“
Fyrsta ræðan eftir að hafa verið skotinn
Joe Biden með Covid-19